Modo consola (comando apt-get)

Retroalimentación

En primeiro lugar, convén actualizar os repositorios mediante o comando apt-get update para descargar as últimas versións se xa están dispoñibles nos repositorios.

O seguinte é lanzar o comando para a instalación: apt-get install filezilla

O sistema informa sobre os paquetes precisos para a instalación e o espazo que será ocupado no disco duro (observar na figura que neste caso instalarase ademais de filezilla o paquete filezilla-common)

Prememos en "S" para continuar coa instalación

Unha vez rematado o proceso xa temos a aplicación instalada no menú Internet:

Agora xa podemos comprobar por coherencia (non é necesario) que no xestor de paquetes Synaptic xa temos a aplicación filezilla instalada (e tamén o paquete filezilla-common, tal e como se nos informou durante a instalación):

Retroalimentación

Podemos empregar dous comandos: "apt-get purge filezilla" ou" apt-get remove filezilla", de xeito similar ao explicado para o xestor de paquetes Synaptic, xa que realmente o que fai este é lanzar estes mesmos comandos de xeito transparente para o usuario:

• apt-get purge filezilla é equivalente á opción "Marcar para retirar completamente".
• apt-get remove filezilla é equivalente á opción  "Marcar para retirar".

Xa se comentou con anterioridade que ambos comandos desinstalan as aplicacións indicadas, pero coa opción purge elimínanse tamén os ficheiros de configuración dos devanditos paquetes, o que non acontece con remove.